Malaika

Skólinn, sem er í Tabata Sigara hverfinu í Dar es Salaam, er með leikskóladeild og yngri bekki grunnskóla. Námsefnið er á ensku og nemendur tala saman á ensku. Foreldrafélagið Malaika styður við nám stúlkanna.

Tatu Hamat er nú komin í framhaldsskóla og gengur námið vel. Hinar stúlkurnar eru enn í Fountain Gate (29/6 18)

Malaika er heimili fyrir stúlkur í Dar es Salaam í Tansaníu. Fæstar stúlknanna eiga foreldra, en margar þeirra eiga ættingja sem hafa átt í erfiðleikum með að ala önn fyrir þeim. Heimilið var stofnað að vorlagi árið 2013, fyrst með því að setja saman stuðningshóp og félag á Íslandi og síðar með því að finna húsnæði og skapa aðstæður í Tansaníu.

Stofnfundur Malaika hópsins á Íslandi var haldinn þann 20. febrúar. Stofnfélagar voru 21. Húsnæði var leigt í byrjun apríl sama ár með hjálp tengiliða okkar í Dar es Salaam, þeirra Twahir Khalfan og móður hans Mariam en fjölskylda hennar á húsnæðið.

Mariam hefur nú alfarið tekið við rekstri heimilisins en Malaika félagið styður áfram stúlkurnar til náms með dyggri aðstoð Hjallastefnunnar.

Netfang: malaikafelag@gmail.com - Kennitala: 410313-1620